Radioja (lat.: radius = rreze) është një aparat elektronik marrës - dhënës i rrezeve elektromagnetike, të ashtuquajtura radiovalë. E thënë më saktë, nëse një radioaparat është i aftë vetëm të lëshojë valë quhet radiotransmetues, dhe nëse është i aftë vetëm të kapë radiovalët e lëshuara quhet radiomarrës, dhe në qoftë se është i aftë të marrë dhe lëshojë radiovalë, quhet radiomarrsedhënës, apo shkurt radio.
Nikola Tesla ishte zbuluesi i parë që dëshmoi zbatueshmërinë e përçimit të pateltë në vitin 1893, por Guljelmo Markoni (Bolonjë1874 - 1937Romë), një shpikës italian, ishte i pari që zhvilloi një radiokomunikim funksionues. Ai dërgoi dhe kapi radiosinjalet e tij të para në Itali në vitin 1895 në Pontichio. Ai e patentoi sistemin e ri telegrafik pa fije në Britani të Madhe. Themeloi "Marconi's Wireless Telegraph and Signal Company" në të cilën punuan shkencëtarë të shumtë në përmirësimin e aparatit.
